«Այլ Լոտո. կենդանիներ» ճանաչողական խաղ֊լոտո երեխաների համար

Ինչ ենք սովորում

• Ճանաչել կենդանիներին ու թռչուններին։
• Տարբերակել դրանց անվանումները։
• Ճանաչել դրանց բնակության վայրերը։
• Հուշումների հիման վրա գուշակել, թե որ կենդանու կամ թռչունի մասին է խոսքը։

Խաղը նպաստում է մի շարք կարևոր հմտությունների զարգացմանը.

• Տեսողական հիշողություն
• Պատկեր-խոսք փոխկապակցում
• Ուշադրության կենտրոնացում
• Տրամաբանական մտածողություն
• Առողջ մրցակցություն

Տուփի մեջ

8 խաղատախտակ

48 քարտ 

1 պարկ

կանոնների թերթիկ

Լոտոն կարելի է խաղալ երկու տարբերակով` կախված մասնակիցների տարիքից և գիտելիքներից։

Տարբերակ 1

Խաղավարը պարկից հերթով հանում է քարետերը՝ նկարով կողմը ափի մեջ ծածկած, և կարդում մյուս կողմում գրված նկարագրությունը։ Նա, ով գուշակում է, թե ինչ կենդանու կամ թռչունի մասին է խոսքը, և ունի այն իր խաղատախտակի վրա, վերցնում է այդ քարտը և դնում համապատասպան պատկերի վրա։

Նա, ում խաղատախտակի բոլոր պատկերներն առաջինն են ծածկվում, համարվում է խաղի հաղթողը։ Բայց մյուսները կարող են շարունակել, մինչև բոլոր մասնակիցների քարտերը դուրս գան։

Տարբերակ 2

Խաղավարը պարկից հերթով հանում է քարտերը և նկարի կողմը դեպի վերև դնում կենտրոնում այնպես, որ տեսանելի լինի բոլորին։ Այն մասնակիցը, ով իր խաղատախտակին գտնում է նույն նկարը, վերցնում է քարտը և դնում համապատասխան տեղում։

Մաղթում ենք հաճելի և օգտակար ժամանց։